السلام عليم اقدم لكم اليوم شعر عن حادثة اسيوووط
بكره عندي مدرسه والدراسه لي أمان
لجل في المستقبل أكبر زيكم يامسئولين
رايح أفرد جتتي وأطلق لفكري العنان
أيوه أنام وأحلم ببكره زي كل الحالمين
ماما صحتني وصحيت
لا بكتني ولا بكيت
حضرت كتبي وأكلي
إنتهينا !!
ما انتهيت ..
روحت باص المدرسه
عندي أبله كويسه
ضحكت وضحكت لزمايلي
يا صباحات المسا
المسا حل أوام
بعد حالة الإنسجام
الضلام حاصرنا ولا
دا قطار ولا حطام
دي دماغ ولا دراع
صدق دا ولا خداع
كل أصحابي تناثروا
حته حته دون داع
آه أحس بشئ تقيل
فوقي على صدري يميل
أصل انا يا ناس صغير
لو كبير والله لا اشيل
آه ياريتني روحت انام
قولت مش رايح دوام
الدراسه ضيعتنا
الدراسه دي حرام
دمي ينزف يا رئيس
فين حكومتك نستغيث
ولا أحسن ادعي ربي
هو نعم اللي يغيث
راح من دمي كتير
جسمي يوجعني بضمير
والله ما اكدب عليكم
هو دا نفسي الأخير
يمه افتكريني بكره لما اصبحلك زمان
قولي كان من نفسه يصبح من كبار المصلحين
يمسك المنصب ولكن يملى باعماله المكان
لكن ابني راح ضحيه من كبار الملعونين
تم بواسطة فريق عمل مدونة ( مفك )
التعليقات : 0
إرسال تعليق